انبات الشعر

الحل الساحق لانبات الشعر و الفراغات :) وعدتكم بعد التجربة أقولكم النتيجة - العضوة Nour11011 هي صاحبة المشاركة السلام عليكم و رحمة الله و بركاته ازيكم يا فتوكات كنت قولتلكم على خطة سريعة لعلاج الشعر في فترة زمنية قصيرة و اللي ما شافتوش هتلاقيه هنا شعرك تعبان ... مقصف ... مجهد .... تعالي أقولك خطة سريعة و هتتبسطي بالتفصيل الممل  http://forums.fatakat.com/thread3561146 انا كنت مريت بفترة نفسية زفت بسبب حدث شخصي ريجيمات كيماوي و حاجات كتير وشعري كان بدأ يقع بعنف و زي معظمنا كانت مشكلتي ان شعري خف أوي و ممكن أحس بفراغات عملت الخطة السريعة اللي في الموضوع اللي فات و كان الحمد لله بيطول و يتقل لكن اكتشفت شوية حاجات ساعدت جدا جدا الحمد لله في انه يطول أسرع لدرجة -ماشاء الله لا قوة الا بالله - بلاحظ كل اسبوع أو اسبوعين انه طول زيادة و بسرعة و الفراغات اللهم لك الحمد ملت و بقيت حاسة بالشعر الصغنن بصوابعي الحمد لله رب العالمين فهقول للفتوكات انا بالظبط عملت ايه من فترة كنت عملت موضوع عن سورسير لوسيون بالتوم ياباني و قولتلكم بعد فترة من تحربته عمل ايه دا شكل المستحضر مميزاته : 1- ريحته مش توم فهتستغني عن ماسك التوم نهائي اللي بتعمليه لشعرك بدلكي بيه فروة راسك مرتين في اليوم لمدة 3 أسابيع و هتحسي بالفرق انا مجربة و فعلا أثر جدا جدا على فروة راسي و بينمل فروة الراس شوية تمنه تقريبا 169 بس حقيقي يستاهل ! و مكتوب عليه 3 اسابيع و هتحسي بالفرق دا حقيقي و لما خلصت الازازة مش محتاجة تاني الحمد لله لأن الأماكن الفاضية ملت ---------- المستحضر التاني Tress بخاخ زيتي اياكي تحطيه على شعرك و تسيبيه الزيوت لما بتتساب الشعر بيقع لأنها بتقفل مسام الشعرة مرتين في الاسبوع حمام زيت بس فيه طريقته : ترشي على فروة راسك كمية كبيرة و تدلكي بيه لغاية ما فروة راسك تسخن و بعدين فوطة سخنة مبلولة و تسيبيه لمدة ساعة و اغسلي شعرك سعره 40 جنيه تقريبا ----------- الحاجة التالتة بانتوجاااااااااااااااااااااااااااااار الدوا دا ساحر بينبت الشعر و يطوله بطريقة مش طبيعية كلنا عارفينه طبعا تاخدي 3 اقراص يوميا و التزمي بالجرعة في كل البروتينات اللي شعرك محتاجها عشان يطول و لازم تاخدي أي فيتامين بيحتوي ع الزينك انا بستخدم سنترم اللي عايشة عليه تقريبا عشان الدايت السنتوم و البانتوجار الاتنين بيمثلوا الجزئ الغذائي اللي شعرك محتاجه فاعملي ريجيم براحتك طالما خدتي الدوايين دول يا رب أكون أفدتكم و دي خلاصة تجاربي في شعري و الحمد لله رب العالمين تحسن بحمد ربنا عليه  http://forums.fatakat.com/thread3561146