السلام عليكم ورحمة الله وبركاته
انا اليوم جبتلكم شي على قولتهم قنبلة الموسم ........ انا ماكتبت هذا الموضوع إلا عن تجربه كنت اعاني
1-تساقط في الشعر مو طبيعي
2-مرره مايطول
3-جفاف + تقصف
4- كل مشاكل الشعر كانت في راسي
المهم حالتي النفسيه تعبت من التساقط يوم بعد يوم وانا اشوف شعري يطيح
قررت اروح عند الدكتور قالي اي وحده عندها الزنك ناقص في الجسم طبيعي راح يتساقط الشعر مع انه ماسواه تحاليل ولاشي بس قالي تساقط الشعر
من نصقان الزنك في الجسم اعطاني حبوب اسمها [ stresstabs with zinc + feroz f ] ورخيصه مرره واحد قيمته 14 ريال والتاني قيمته 23 ريال
وقالي استخدميها لمدة ثلات شهور مره في اليوم خديها مع بعض
انتي مارح تحسي بالفرق من اول شهر لا من تاني شهر راح تحسي انه بدا شعرك يتحسن مايطيح ويغزر
وهوه على فكره قالي الدكتوراذا كانت 100 شعره تطيح في اليوم هذا جداا طبيعي بس مع
استخدامك للدوا راح يخف التساقط بنسبة 90% ممكن تطيح حبتين ثلاته حبات فله مررره
وانا جايه اكتبلكم الموضوع حبيت اني افيدكم مررره عندي ضمير وامانه ههه
مو تستخدمي الدوا من هنا وتستعملي شامبو مهبب من ناحيه تانيه لا
جربت شامبو هات العالم كله الله لايوريكم صيدليه الحمام كانه سوبر ماركت كل شويه اجرب شي ويطلع معفن الي يساقط الشعر والتاني
يجيب القشره والثالت يجفف والرابع اقولكم بلاوي زرقه زي لون الخط الي قاعده اكتب به ههههه
الين ماكتشفت شي خرافي خنفشاري شامبوا رووووووووعه يجنن دحين ليه 5 شهور وانا استخدمه من جد روعه وكل ماقول لوحده عليه تقعد تدعيلي
انا مسميته الشامبو المعجزه خخخ
[شامبو صانصيلك الجديد الي علبته لونها فوشي]
الشي الثالت مره في الاسبوع حطي زيت عافيه حق الاكل في شعرك انتي في البدايه راح تحسي انه اتساقط شعرك من الزيت
بس تاني مره مارح يطيح لانه الراس زي النبته اذا سقيتيها نمت واذا تركتيها جفت واتساقطت اوراقها
وعلى فكره خلي في بالك انه اذا مات الطرف مات الجدر وطاحت الشعره
وسوي لفروة راسك تدليك نامي على السرير او كنبه وحطي راسك تحت ورجولك فوق السرير كأنك مقلوبه عشان الدم المحمل بالفوائد
الي في جسمك يجي على راسك واقعدي دلكي الفروه حق نص ساعه ساعه في البدايه راح تتعبي بعدين راح تتعودي على فكره زيت العافيه مررره يطول الشعر
انا اليوم وبعد ما انتهيت من التجربه الي كانت مدتها ثلات شهور حبيت افيدكم زي ماانا استفدت صار شعري
1-مررره كثير وغزير
2-كان شعري عند كتفي صار الين نص ظهري
3-ناعم +يجنن+ لمعة قويه
4-كل مشاكل الشعر انتهت الحمد لله قولوا مشاء الله
ملاحظه /انا شعري ماهوجاف ولادهني [عادي]
امانه كل وحده قرأت موضوعي وعجبها تدعيلي خصوصا الي ناويه تسويها في كل يوم افتكرتني تدعيلي والله مرره تعبت ليه 3 ساعات وانا قاعده اكتبلكم التفصيل الممل
وهذه عنوان البريد الالكتروني للي عندها اي استفسار
ليست هناك تعليقات:
إرسال تعليق